थप ३९० मा कोरोना संक्रमण पुष्टि , ५ जनाको मृत्यु
काठमाडौँ – नेपालमा पछिल्लो २४ घण्टामा थप ३९० जनामा कोरोना संक्रमण पुष्टि भएको छ।
यस्तै पछिल्लो २४ घण्टामा ५ जना कोरोना संक्रमितको मृत्यु भएको छ।
यससँगै हालसम्म देशभर कोरोनाबाट मृत्यु हुनेको संख्या ११ हजार ४ सय ५३ पुगेको छ।
सोमबार ४२५ जना कोरोना संक्रमणमुक्त भएका छन्।
हाल देशभर ७ हजार ६५४ सक्रिय संक्रमित रहेका छन्।
गत चौबीस घन्टामा २ हजार ६०६ पीसीआर तथा २ हजार ४ सय २० एन्टिजेन परीक्षण भएको छ।
