हेटौंडामा बस दुर्घटना हुदा एकको मृत्यु, आठ घाइते
हेटौंडा । मकवानपुरको हेटौंडामा बस दुर्घटना हुदा एकको मृत्यु भएको छ ।
पुर्व पश्चिम राजमार्ग अन्तर्गतको हेटौंडाको १९ नम्बर वडा बस्तिपुरमा केहि समय अघि भएको बस दुर्घटनामा उपचारको क्रममा हेटौंडा अस्पतालमा एकको मृत्यु भएको मकवानपुर प्रहरीले जनाएको छ । मृतकको पहिचान खुलेको छैन ।
त्यस्तै ८ जना घाइतेको चुरेहिल अस्पतालमा उपचार भइरहेको मकवानपुर प्रहरीले बताएको हो । यात्रु बोकेर चितवन तर्फ जाँदै गरेको ना ५ ख ४६०९ नम्बरको बस आफै अनियन्त्रित भई दुर्घटना भएको मकवानपुर प्रहरीले जानकारी दिएको हो ।
प्रहरीका अनुसार कति घाइते छन् पुरा विवरण आइनसकेको र घटना स्थलबाट दुई वटा एम्बुलेन्सबाट उद्दार भएको जनाएको हो ।
थप विवरण केहि समयमा आउने मकवानपुर प्रहरीले जनाएको छ ।
