भिमफेदीमा टिपर दुर्घटना हुँदा ११ जना घाइते
माघ २, हेटौँडा – भिमफेदीको कोगटेमा टिपर दुर्घटना हुँदा ११ जना घाइते भएका छन् ।
गएराती मकवानपुरको भिमफेदी गाउँपालिका वडा नम्बर ७ कोगटेमा ईपा महाभीर धार्केबाट मकर संक्रान्तिको मेला भरेर फर्कनेक्रममा टिपर दुर्घटना भएको हो । बा २ ख ७६२३ नम्बरको टिपर दुर्घटना हुँदा ११ जना घाइते भएको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले बताउनुभयो ।
घाइते मध्य ८ जनाको उपचारपछी घर फर्किएको र तीन जनाको हेटौंडा अस्पतालमा उपचार भइरहेको रानाले वताउनुभयो । टिपर अनियन्त्रित भई दुर्घटना भएको बुझिएको छ। टिपर चालक प्रहरी नियन्त्रणमा रहेको जनाइएको छ।
