बालुवाटारमा बस्दै कांग्रेस पदाधिकारी बैठक
साउन १ ,हेटौँडा । नेपाली कांग्रेसको पदाधिकारी तथा पूर्वपदाधिकारी बैठक आज बालुवाटारमा बस्दै छ । दिउँसो २ बजेका लागि बैठक बोलाइएको कांग्रेस मुख्यसचिव कृष्णप्रसाद पौडेलले जानकारी दिएका छन् ।
(हिजो) बिहीबार भनिएपनि नेताहरुको कार्यव्यस्तताका कारण स्थगित गरिएको थियो ।
आजको बैठकमा पार्टीको केन्द्रीय निर्वाचन समितिले तयारी गरिरहेको निर्वाचन निर्देशिका, नयाँ सरकारका प्राथमिकता, पार्टीले खेल्नुपर्ने भूमिका लगायतका विषयमा नेताहरुबीच छलफल गर्ने तयारी रहेको छ ।
