संसदको १० औं अधिवेशन आजबाट, यस्ता छन् सम्भावित कार्यसूचीहरु
काठमाडौं । सङ्घीय संसद्को दुवै सदनको १०औं अधिवेशन (बुधबार) आजदेखि सुरु हुँदैछ ।
सरकारको सिफारिसमा राष्ट्रपति विद्यादेवी भण्डारीले बुधबार आजको लागि प्रतिनिधिसभा र राष्ट्रियसभा बैठकको आह्वान गर्नुभएको थियो । सो अनुसार आज अपरान्ह ४ बजे दुवै सदनको बैठक बस्दैछ ।
संसदको यही अधिवेशनबाट अघिल्लो सरकाले ल्याएको बजेट विस्थापन गर्न विधेयक ल्याउने आंकलन गरिएको छ । साथै संघीय निजामती सेवा विधेयक, नागरिकता विधेयकलगायत पेश गर्ने र अध्यादेशहरूलगायत पनि संसदको कार्यसूचीमा रहेका छन्।
सरकारले गत साउन ३२ गते सदनको नवौँ अधिवेशनको अन्त्य गरेको थियो। त्यसअघि सरकारले दल सम्बन्धि अध्यादेश जारी गरेको थियो ।
