कांग्रेस बागमती प्रदेश निर्वाचनको नतिजा सार्वजनिक
हेटौंडा । गत शनिबार सम्पन्न कांग्रेस बागमती प्रदेशको पदाधिकारीको निर्वाचनको नतिजा सार्वजनिक भएको छ।
सोमबार राति सम्पन्न मतगणनाअनुसार कांग्रेस बागमती प्रदेश उप-सभापतिमा मोहन बस्नेत र चन्द्र महर्जन विजयी भएका छन् । बस्नेतले १०५९ मत र महर्जनले १०३७ मत प्राप्त गरेका छन् ।
त्यसैगरी महामन्त्रीमा कंचन बादे र राजु श्रेष्ठ निर्वाचित भएका छन् । बादेले ९९५ र श्रेष्ठले ९१० मत प्राप्त गरेका छन् । यसैगरि महामन्त्रीका अर्का उम्मेदवार माइकल रामचन्द्र अर्याल भने झिनो मतान्तरले पराजित भएका छन् ।
त्यसैगरी सह(महामन्त्री महिलामा जीवन डङ्गोल निर्वाचित भएकी छन् । उनले ९४९ मत प्राप्त गरेकी छन् । सहमहामन्त्री खुला तर्फ ॠषिराम घिमिरे र हरिशरण श्रेष्ठ विजयी भएका छन् । घिमिरेले ९१६ मत प्राप्त गर्दा श्रेष्ठले ८३९ मत प्राप्त गरेका छन् ।
यसअघि,बागमती प्रदेश सभापतिमा ईन्द्रबहादुर बानियाँ निर्वाचित भइसकेका छन। उनले सभापतिका अर्का उम्मेदवार जगदिश्वर नरसिंह केसीलाई पराजित गरेका थिए।
