वीरगञ्जमा थप २ जनामा कोरोना पुष्टि

वैशाख १४,काठमाडौं । वीरगन्जमा थप दुईजनालाई कोरोना संक्रमण देखिएको छ । राष्ट्रिय जनस्वास्थ्य प्रयोगशालामा भएको परीक्षणको नतिजाअनुसार थप दुईजनामा कोरोना देखिएको स्वास्थ्य मन्त्रालयका सहप्रवक्ता डा समीरकुमार अधिकारीले जानकारी दिएका छन् ।

दुईजनासँगै नेपालमा कोरोना संक्रमितको संख्या ५१ पुगेको छ भने १२ जना उपचारपछि फिर्ता भइसकेका छन् । संक्रमण पुष्टि भएका दुवै जना वीरगन्ज महानगरपालिका छपकैयाका बासिन्दा हुन् । छपकैयाको मस्जिदमा बसेका तीनजना भारतीय संक्रमितको सम्पर्कमा आएकाहरुको स्वाब लिइ पीसीआर परीक्षणका लागि काठमाडौं पठाइएकोमा दुईजनामा पोजिटिभ देखिएको हो।