पहिरोको कारण एक जनाको मृत्यु
पाँचथर, असार ७ – पाँचथर याङवरक गाउँपालिका-२ मा पहिरो जाँदा एक जनाको मृत्यु भएको छ।
मृत्यु हुनेमा याङवरक गाउँपालिका-२ लेखेवा का ५८ वर्षीय टेकनाथ धौराली छन्। टाउको र शरीरमा ढुंगाले लागेका उनको घटनास्थलमा नै मृत्यु भएको प्रहरीले जनाएको छ।
पहिरोमा पुरिएर ५२ वर्षीय खड्कबहादुर राई सामान्य घाइते भएका छन्।सोमबार बिहान सवा ७ बजे उनीहरूलाई नुवाखोलाबाट निकालिएको पानीको कुलो बनाउने क्रममा अचानक माथिबाट पहिरोसँगै आएको ढुंगाले किचेको थियो।
प्रहरी चौकी फलैंचा र सीमा प्रहरी चौकी च्याङथापुबाट खटिएको प्रहरीले घाइतेको उद्धार गरी उपचारको लागि पठाएको जिल्ला प्रहरी कार्यालय पाँचथरले जनाएको छ।
