कांग्रेस संसदीय दलको नेतामा शेरबहादुर देउवा निर्वाचित
काठमाडौं । नेपाली कांग्रेसको संसदीय दलको नेतामा पार्टी सभापति शेरबहादुर देउवा निर्वाचित हुनु भएको छ ।
संस्थापन समूहबाट उम्मेदवार बन्नु भएका सभापति देउवा ६४ मत ल्याएर विजयी हुनुभएको हो । उहाँका प्रतिद्वन्द्वी पार्टी महामन्त्री गगन कुमार थापाले २५ मत प्राप्त गर्नुभएको छ ।
कांग्रेसका प्रतिनिधि सभामा प्रत्यक्ष र समानुपातिक गरी ८९ जना सांसद रहेका छन् । उनीहरू संसदीय दलको नेता चयनका लागि मतदाता हुन् ।
प्रतिनिधि सभाका कांग्रेसका सबै ८९ सांसदले मतदान गरेका थिए ।
दलको नेतामा निर्वाचित भएसँगै देउवाका लागि छैटौं पटक प्रधानमन्त्री बन्ने बाटो खुला भएको छ
