परराष्ट्रमन्त्रीलाई प्रधानमन्त्रीले जेनेभा जानबाट रोकेपछि एमालेको सचिवालय बैठक आज बस्दै
काठमाडौं । नेकपा एमालेको सचिवालय बैठक सोमबार बस्ने भएको छ ।
परराष्ट्रमन्त्री बिमला राई पौडेललाई प्रधानमन्त्री पुष्पकमल दाहालले जेनेभा जानबाट रोकेपछि एमालेले सचिवालय बैठक बोलाएको हो । बैठक सोमबार बिहान ११ बजे केन्द्रीय पार्टी कार्यालय च्यासल बस्ने भएको हो ।
मन्त्रिपरिषदबाट स्वीकृत परराष्ट्रमन्त्रीको भ्रमण प्रधानमन्त्रीको ठाडो आदेशमा रोकिएको सन्दर्भमा सोमबार ११ बजे पार्टी सचिवालयको बैठक बस्न लागेको एमालेका एक नेताले बताए । राष्ट्रपतिको उम्मेदवार मनोनयन दर्ता गर्दा एमाले नेताहरुले राष्ट्रपतिको निर्वाचनसम्म सरकार नछाड्ने बताएका थिए।
तर प्रधानमन्त्री दाहालले आइतबार परराष्ट्रमन्त्री पौडेललाई अन्तिम समयमा जेनेभा जान समेत रोक लगाइएपछि एमाले सरकारबाट बाहिरिनेकी सरकामा केही समय बस्ने भन्ने विषयमा सोमबारको बैठकमा छलफल हुन सक्ने ति नेताले बताए ।
