साम्बा : उपचारका लागि आवश्यक रकम जुट्यो
काठमाडौँ । नेपाली राष्ट्रिय महिला फुटबल टोलीकी कप्तान सावित्रा भण्डारी, जसलाई साम्बा नामले चिनिन्छ, ले आफ्नो उपचारका लागि आवश्यक रकम पूरा भइसकेको बताएकी छन्। उनले सामाजिक सञ्जालमार्फत जानकारी दिँदै भनेकी छन् कि नेपाली बैंक खातामा १ करोड रुपैयाँभन्दा बढी र विदेशी प्लेटफर्ममा ५३ हजार न्युजिल्यान्ड डलर झन्डै ४५ लाख रुपैयाँ सङ्कलन भइसकेको छ।
सावित्राले आफ्नो उपचारको लागि पाएको अपार सहयोग, विश्वास र आर्थिक सहायताप्रति आभार व्यक्त गर्दै अब थप सहयोग नगर्न आग्रह गरेकी छन् । उनले पछिल्लो २४ घण्टामा आफूलाई प्राप्त भएको माया र समर्थनलाई शब्दमा व्यक्त गर्न नसकिने बताइन् ।
साम्बा डेढ महिना अघि अस्ट्रेलियन ‘ए’ लिग फुटबल खेल्दा घुँडामा गम्भीर चोट लागेका थिए । वेलिङ्गटन फिनिक्सका लागि खेलिरहेका बेला ब्रिस्बेन रोअरसँगको खेलमा विपक्षी गोलकिपरसँग ठोक्किएका थिए ।
हिजो, सामाजिक सञ्जाल फेसबुकमा उनले घुँडाको उपचारका लागि सहयोगको अपिल गर्दै भनेकी थिइन् कि उपचारका लागि ८० हजार अमेरिकी डलर खर्च हुने अनुमान गरिएको थियो, तर त्यसभन्दा बढी रकम अब सङ्कलन भइसकेको छ ।
