२५ लाख लागतमा हेटौंडाको भैरबडाँडामा पक्की सडक बनाइदै
जेठ २१, हेटौंडा । हेटौंडाको भैरबडाँडामा कच्ची सडकको स्लाब ढलान सुरु गरिएको छ । भैरबडाँडा जाने सडकको उपमहानगरपालिकाका मेयर हरि बहादुर महतले शिलान्यास गर्नुभयो ।
कुल २५ लाख रुपैयाँ लागतमा कच्ची सडकलाई पक्की निर्माण गर्न लागिएको मेयर महतले वताउनुभयो ।
भैरबडाँडाका वासिन्दा र पाथीभरा मन्दिरमा आउने भत्तजनलाई पनि ओहोर दोहोर गर्नका लागि सहज होस भन्ने उदेस्यले यहाँको सडकलाई पक्की बनाइएको हो ।
आउँदो आर्थिक वर्षको बजेटमा रकम छुट्याएर यो सडक पुरै पक्की बनाइने उहाँले वताउनुभयो । ३ सय मिटर लम्बाइ रहेको यो सडक चार मिटर चौडाइ रहेको छ ।
