पाँचदेखि १२ वर्षका बालबालिकालाई आजबाट फाइजरको खोप लगाइदै
हेटौंडा । मकवानपुर सहित सात प्रदेशका २७ जिल्लाका बालबालिकालाई आजदेखि कोभिड–१९ विरुद्धको फाइजर खोप लगाइने भएको छ।
पाँच वर्षदेखि १२ वर्षसम्मका बालबालिकालाई खोप लगाउन लागिएको हो । मकवानपुरमा ५ देखि १२ वर्षसम्मका ६१ हजार ७५ बालबालिकालाई कोरोनाभाइरसविरुद्धको ‘फाइजर बायोएनटेक’ खोप लगाउन लागिएको हो।
विद्यालयमा नै गएर बालबालिकालाई खोप लगाइने स्वास्थ्य कार्यालय मकवानपुरले जनाएको छ । आजदेखि सुरु गरिने खोप अभियानमा जिल्लाभरका ३ सय ९० स्वास्थ्यकर्मी परिचालन हुने कार्यालयले जनाएको छ ।
